NobleMan

موقع متنوع بإدارة السيد نبيل صلاح الجوريشي
 
الرئيسيةاليوميةمكتبة الصورقائمة الاعضاءالتسجيلدخول
شاطر | 
 

 كلمات أغاني الزفات الفلسطينية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nobleman
Admin


عدد المساهمات: 74
تاريخ التسجيل: 26/01/2010

مُساهمةموضوع: كلمات أغاني الزفات الفلسطينية   الخميس يناير 28, 2010 11:55 pm

عريسنا شيخ الشباب شيخ الشباب عريسنا
عريسنا ضمة ورد ضمة ورد عريسنا
عريسنا ما ابدعو مثل القمر مطلعوا
عريسنا زين الرجال زين الرجال عريسنا


والورد فتح يا زارعين الورد فتّح
فتّح وما شاء الله
والولف روّح والدمع فوق الخدين والولف روّح
هلاهلا وحيا الله
قلبي يريدوا اسمر كحيل العين قلبي قلبي يريدوا
هلاهلا وحيا الله
والله مابيعوا نبيل عريس الزين والله ما بيعوا


لالالاه لالا لالالاه لالا لالا
قتالة عيون الفدى\المها قتالة
لا كان عالبال ولا كان عالخاطر
تهجرنا وتبعد عنا يا شاطر
ارجع لبلادك محبوب الخاطر
طولت الغيبة لشعب رحالة


لكتب اسمك يا بلادي عالشمس الي ما بتغيب
لمالي ولا ولادي على حبك ما في حبيب


شفتك يا جفلة على البيدر طالعة وعيونك يا عيني لك شمس ساطعة
واسألتا يا ويلي ليش مفرعة قالت عرقانة لشم الهوى


هنيا ليك يا العريس هنية سبع ايام بنقولك هنية
الله الله لما تشوف اجدايلها حبل الجمّال والطوال شوية
الله الله لما تشوف اجدايلها حبل الجمّال والطوال شوية
الله الله لما تشوف اجدايلها حبل الجمّال والطوال شوية
هنيا ليك يالعريس يا غالي هنيا ليك يالبدر بتلالي
هنيا ليك يا كل الغوالي هنيا ليك يا روحي وعينيا

مبارك مبارك سبع بركات كما بارك نبينا\محمد عاجبل عرفات

اسم الل على العريس اسم الله عليه غنلوا يا إمو وحبابوا حواليه



بالورد والحنا بالورد والحنا رشوا الوسايد بالورد والحنا
يا ربي تتهنى يا ربي تتهنى يا عريس يا غالي يا ربي تتهنى

بالورد الجورية بالورد الجوريةرشوا الوسايد بالورد الجورية
يااموا زغرتية ياامو زغريتية باسل عريس يا امو زغرتية

بالورد الياسميني بالورد الياسميني رشو الوسايد بالورد الياسميني
لرحل عابيرني لرحل عابيرني باسل شيخ الشباب لرحل عابيرني


اليوم الفرح عندنا عندنا ياميت هلا باحبابنا وزوارنا
احنا الهوى وانتو الغوى وانتو الغوى
عمر عنا عمر عنا يا نيالينا
أم الحبايب عندنا عندنا والقلب دايب يا نينا


بالهنا يا ام الهنا يا هنية
التوت عيني على الشلبية
التوت عيني على العريس بالاول
صاحب الوجه السموح المدور
قالتلو يا عريس يا ابن الكرامي
عيرني سيفك ليوم الكوان
سيفي محلوف عليه ما بعيرو
سيفي ماصل من بلاد اليماني
بالهنا يا ام الهنا يا هنية
شيعوا لولاد عمو يجولو
بالخيول المبرقعة يغنولوا
عددوا المهرة وشدوا عليها
تييجي محمد ويركب عليها
عددوا المهرة وهاتو الشبرية
زفولي محمد لباب العلية
عددوا المهرة وهاتوا البارودي
زفولي محمد لباب العمود


يا هلا يومن عرس ابن عمي
لركب خيل واعزم عا كل الأمة
لركب خيل واعزم عا اهلي ورجالي
يا هلا يومن عرس اب خالي
لركب خيل واعزم عا كل الخيالة


يا حياتي عليه يا مماتي عليه أوجعن رجليا و انا ادور عليه
لبسوني القميص شلحوني القميص في شوارع باريس الغالي سلموا عليه
لبسوني القمباز شلحوني القمباز في شوارع الحجاز الغايب سلموا عليه


علينا نابو علينا نابوا عليك يالبنية علينا نابوا
منوا لربوا منوا لربوا الي رمني ولفي منوا لربوا

روس اصابيعوا روس اصابيعوا سلم علي روس اصابيعوا
كيف انا بيعوا كيف انا بيعوا العريس شاريني كيف انا بيعوا

عالحجر برى عالحجر برى قاعد حبيبي عالحجرة برى
والعيشة مرة والعيشة مرة بعد الحبايب

عالقش اليابس عالقش اليابس ماشي حبيبي
محدا لابس محدا لابس مثلك تحسين محدا لابس

روس الخناصر روس الخناصر سلم علي روس الخناصر
سلامك واصل سلامك واصل هيه يا ابن عمي سلامك واصل



نعنع يا نعنع أخضر يا نعنع حكاورة صغيرة يايما وصبايا بتجمع\بنت بتدلع\نبيل بدلع
لبست الزيتي شلحت الزيتي خربوا بيتي يا يما على ورقة نعنع
لبست البني شلحت البيني راح تجنني يا يما على ورقة نعنع



الشب الأسمر جنني ياعيوني وسلب عقلي مني هالله هالله
وغيروا ما بهوى شبان ياعيوني ومابريدوا يبعد عني
دخيل الله الله الله من شان الله الله الله


اتقل ياغزالة يا ابو عيون سود غيرك ما يحلالي يا ابو عيون سود
اتقل يا غلة امك ياورد ما حدا شمك اقعد يا نبيل ولا يهمك يا ابو عيون سود


بالساحة التقينا بالساحة عليها جوز عيون شو ذباحة
قالت يخزيالعين والخدين تفاحة بتغار من تفاحة


جينا وجينا جبنا العروس وجينا كرمال عيونك نبيل خلي الدنيا تلاقينا


بنية ماحلاها وريدا تمشي عانبع المية
قلبي يحبا ويريدا وانا اشطالع بيديا
كل يوم عيني ترقبها على مفرق دربها
والله لاهجم واخطفها واسرق قلب الحنية
يما الهوى رماني عادروب الأسمراني
خايف هواه ينساني بنية وصبية


لك ثوبك ياللي تجريلو هالا هالا بالإبرة والسنارة شيل ياالله
مبروك عليك العريس هالا هالا يا حلوة يا نوارة
لاصيحن بعال الصوت هالا هالا يما حبيبي وينوا شيل يالله
يالله يخونك يالموت هالا هالا فرقنا بيني وبينوا شيل يالله
يا ليتاني مسدس هالا هالا في ايدين القناصة شيل ياالله
والي يعادي محبوبي هالا هالا لقوصو برصاصة شيل ياالله
يا ليتاني ليمونة هالا هالا بتقشر بدياتا شيل ياالله


عيروني بيك اسمر كل الخلق سمرانة
اسمر كحيل العين والبيضة حياتي
جنيت وجنوني لبست الليمونة
واحبابي لو عزول لعطيهم عيوني
يما ماني ابنيتك ومني غالي عليك
خليني الحق ولفي الله يرضى عليك


دخيلك يا ربي يا عالم دخيلك يا ربي يا عالم
هوايات اليوم مخطوبة هوايات اليوم مخطوبة
هوياتي والسجن فاضي هوياتي والسجن فاضي
لشتري الموت باربع فرودة لشتري الموت باربع فرودة
مريت أنا من سجن عمرة مريت أنا من سجن عمرة
وإنت القمر بين دياتي وإنت القمر بين دياتي


علي اسمر اللون علي الأسمراني الله يكون بالعون عفراق خلاني


هات القلم والدوا لكتب على ايدي يا الله اووف لكتب على ايدي يا الله اووف
سر المحبة انكشف بين الخلق زيدي ياالله اووف بين الخلق زيدي ياالله اووف
هات القلم والدوا لكتب على ذراعي يا الله اووف لكتب على ذراعي يا الله اووف
محبتكم بالقلب زالت كل اوجاعي ياالله اووف زالت كل اوجاعي ياالله اووف
الله يديمك فلسطين على البحر مبنية يا الله اووف على البحر مبنية يا الله اووف
كلهم شبابك ابطال جنن الصهيونية يا الله اووف
جنن الصهيونية يا الله اووف


هبت النار والبارود يتغنى كلهم شباب والوطن يتمنى
هبت النار من عكا لطيرة كمشات صغار ربيو عالحصيرة
هاي صارو كبار ما بينسوا هالديرة منو الي ينسى فلسطين بلادنا
هبت النار بشاير بشاير والشعب واحد مش عيل وعشاير
حيو الفدائية وجنود الآصايل مين الي ينسى فلسطين بلادنا


علي الكوفية علي ولولح فيها
غني عتابا وميجانا وسامر فيها
هز الكتف بحنية جفرا عتابا ودحية
خلي البارودة يهلل ويحليها

علي الراية برام الله وجبال النار
وعقال العز عقالك عزم واصرار
والطلقة الأولى تحكي حكاية مشوار
عند الحق نخلي العالي واطيها

نحنا نزرعنا البيارة تين وزيتون
وبغال القمح علينا وبيدر ليمون
واهل الإشارة يا وطن احنا بينكون
يوم العرق دروب النصر اضويها


ياطير يا طاير يا رايح عالديرة
تحميك عيوني وتصونك عين الله
والله يامسافر شعلانة هالغيرة
فلسطين بلادي حلوة يا ما شا الله


عدو الجسر خلوا ابوابوا مفتوحة
طلوا الشباب زغرتي يا صبوحة
يا أبو جاسم عنا قلوب مجروحة
يا محلا الموت على بوز الدبابة
الله يحيك يا الشعب الفلسطيني
شاعر فنان جنن الصهيونية


يا زمان وينوا حبيبي يازمان طول الغيبة
يا زمان هجر الحبايب يازمان أكبر مصيبة
يا زمان سلم عليهم يازمان واشتقنا ليهم
يا زمان رحنا بايدهم يازمان ورحنا هريبة


من بين العرب من بين العرب نبيل مرق خيال من بين العرب
والساعة ذهب والساعة ذهب والمسبحة فضة والساعة ذهب

من بين الناس من بين الناس نبيل مرق خيال من بين الناس
والساعة ماسي والساعة ماسي والمسبحة فضة والساعة ماسي

من بين البيوت من بين البيوت سامح مرق خيّال من بين البيوت
ما قلتلوا فوت ما قلتلوا فوت الله على قليبي ما قلتلوا فوت
أو والساعة ياقوت والساعة ياقت والمسبحة فضة والساعة ياقوت

ومنين أعرفوا ومنين أعرفوا إبراهيم مرق خيال ومنين أعرفوا
داير عاولفوا داير عاولفوا حتى السمك بالمي داير عاولفوا

يما إندهيلوا يما إندهيلوا محمود مرق خيال يما إندهيلوا
وأنا بحكيلوا وأنا بحكيلوا وإنت إطلعي برا وأنا بحكيلوا

بس إرفع إيدك بس إرفع إيدك سلـّم سلام أحباب بس إرفع إيدك
ولو كنت أريدك ولو كنت أريدك ويش تنفع الحراس لو كنت أريدك

فييّ ولا فيك فييّ ولا فيك ريت الوجع يا زين فييّ ولا فيك
لأسهر وأداويك لأسهر وأداويك وأحلف عا نوم الليل لأسهر وأداويك

بالثوب الخمري بالثوب الخمري أحمد مرق خيّال بالثوب الخمري
ويوسف يا عمري ويوسف يا عمري وقف تني أحكيلك يوسف يا عمري

بس ارفع ايدك بس ارفع ايدك سلِّم سلام الاحباب بس ارفع ايدك
قلبي يريدك قلبي يريدك باسل شيخ الشباب قلبي يريدك


حطو على الباب عقرب منهو\نبيل عالخيل يقرب

حطو على الباب حارس منهو\نبيل عالخيل فارس


عاشق النبي يصلي عليه عاشق النبي يصلي عليه
هالفرح لمين لعيني اليمين
هالفرح لمين لعيني اليمين
هذا لنايف كثر من الحلوين
هالفرح بالدار لعيني اليسار
هذا لنايف كثر ملح وبهار
هالفرح بالدار لعيني اليسار



عالرمانية عالرمانية والقلب ولهان يا يما بدوا البنية
عالرابعيه عالرابعيه
والرايا بيضه (للخليليه )--اسم العائله
عالرابعيه عالرابعيه
واحصلوا يالعدا ماهي رديه
واسندوا البارود ع العامود
واطلع يا ابو (فلان ) بعزوه قويه


لوحي لوحي لوحي بمنديلك لوحي وبطرف منديلك عيني ومعلقى روحي
لاصنور انغنيها هاي الليلة نوافيها يا ابو حسن داعيها وانت الورد تفوحي


يا هلا بالضيف ضيف الله احساب الروح ايه والله
مابنرضى تروح من عنا ما بنرضى تروح لاوالله

زينوالساحة زينة الساحة العريس مزاينة
شيلوا أحبابي وانا ناطرهم نسيت الغربة في قناطرهم
والله يالعريس روحو وخبرهم يا هوى الغربي مرو صوبنا\قُصادنا


يا محمل التفاح تهيا يا عيني تهيا
واخذنا بنات ملاح عقبال العزابية
يا محمل الأناناس تهيا يا عيني تهيا
واخذنا بنات الناس عقبال العزابية
يا محمل الزيتون تهيا يا عيني تهيا
واخذنا بنات زيون عقبال العزابية



قـــــولــــوا لإمّـــــوا تفــــرح وتتهنّـــــا
تــــرش الـــوســـايــد بــالعطــــر والحنّـــــه

يـــــا دار هنــــا وابنهــــا يـــا بنّــــــا
والفــــرح إلنــــا والعـــرســـــان تتهنّـــــا

والــــدار داري ولبيـــــوت بيـــــوتــــي
وحنـــــا خطبنـــــا يـــا عــــدوي مــــــوتـــي

يـــــا بــــــيّ مـــــريـــــم لا تكـــون عبــــوس
واسمــــــح بـــــوجـــك واعطــــي هـــالعـــــروســـــي

يـــــا بــــــيّ مـــــريــــم لا تكــــون طمّـــــاع
والمـــــــــال يفنــــــــــى والنســــــــــب نفّـــــــاع

قولوا لامو تفرح وتتهنا رش الوسايد بالورد والحنا
والدار هنا وابنيها يا بنّى

يا ابو عواد يا ريتو هنية
يا ابو عواد يا ناروا علي

والدار هنّا يا باسل تتهنى
والدار داري والبيوت بيوتي

واحنا اجوزنا يا حسن بنتوة
ياام العريس بدي اسمع زغرتية

نبيل يامدلل الله يعمر دارك
باسم الجالودي يخلف علي جابك


يا ناس صلو عالنبي حلوة صلاتك
حلوة صلاتك عالنبي
روّح سوق البندورة يا حبّابي عريسنا أخذ الغندورة يانيالوا
روّح سوق الرمانة يا حبّابي عريسنا أخذ ريحانة يانيالوا
روّح سوق الكوسا محشي يا حبّابي عريسنا أخذ النغشة يانيالوا



عالرمانية عالرمانية والقلب ولهان يا يما بدوا البنية
عالرابعيه عالرابعيه
والرايا بيضه (للخليليه )--اسم العائله
عالرابعيه عالرابعيه
واحصلوا يالعدا ماهي رديه
واسندوا البارود ع العامود
واطلع يا ابو (فلان ) بعزوه قويه










يخلف عليكو كثر الله خيركو لفينا البلد ما لقينا غيركو
يخلف عليكو كثر الله خيركو ماعاد ناسب من النسب غيركو
ليلة سعيدة والقمر يتعلل ليلة سعيدة والقمر يتعلل كلو عشانك يا عريس تدلل
ليلة سعيدة والقمر هلالي ليلة سعيدة والقمر هلالي كلو عشانك يا عريس يا غالي
الرجوع الى أعلى الصفحة اذهب الى الأسفل
http://nobleman.up-your.com
 

كلمات أغاني الزفات الفلسطينية

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» أغاني سيد درويش ( كلمات الاغاني مع المقامات)
» أغاني الطمبور الفنان محمد النصري تحميل مجانآ
» تحميل أغاني سودانية ودردشه في شات ومنتديات الحديبه للدردشه
» أغاني سودانيه الفنان محمد وردي تحميل مجانآ
»  كلمات سر لعبة جي تي اي فاي ستي

صلاحيات هذا المنتدى:لاتستطيع الرد على المواضيع في هذا المنتدى
NobleMan ::  :: -